:quality(80)/public/tvbcom/article/images/202509/3e6efe21-6cd8-4d87-b336-2936cb574925.jpg)
本周踏入結局周的《俠醫》，除了丁子朗衰到冇朋友成為網民焦點，張曦雯與譚凱琪的溫馨姊妹情、及陳豪與張曦雯的甜蜜細水長流式愛情同樣令網民全「情」投入。
隨著劇情發展，A0凌為民（陳豪飾）與Rachel（張曦雯飾）在結局周開初終於認定彼此，之後更每一集都keep住放閃；凌為民的直男式「愛的宣言」、加上Kelly甜到變腰果眼的沉船表情，令不少網民大嘆冧到爆，大讚張曦雯與陳豪是最佳「螢幕CP」之餘，更為二人起了「Molly」新封號，Molly瞬間變成甜蜜愛情新Icon。
延伸閱讀： 俠醫劇情及演員名單｜全20集劇透懶人包！陳豪張曦雯譜寫中醫傳奇 攜劉佩玥馬貫東等弘揚仁義及俠義精神
盤點陳豪張曦雯結局周三大甜蜜場口：
第16集，事業為重的凌為民，原本立定決心約Rachel Fine Dine兼示愛，豈料因為靜芝（游嘉欣飾）臨時前往醫館求醫、一心救人的凌為民最終遲大到足足三小時！雖然Rachel嬲嬲豬，但為民仍鼓起勇氣向Rachel解釋、兼發表「直男愛的宣言」：「就算你嬲，就算依家唔係最佳時機，我都唔想再錯過，我唔想再等…Rachel，你可唔可以成為我生命中最重要嘅人。」由於為民說時一面懇切，加上浪漫的bgm，以及張曦雯驚訝變冧豬的表情，粉紅氣泡拉滿！最後二人手牽手甜蜜相視而笑、並開心地街頭漫步的一幕也是浪漫唯美兼而有之。
第17集，已成為戀人的為民與Rachel、食個飯盒都竟然甜蜜過人。事緣Rachel因為身體問題要戒口，熱戀中的她遂向可以吃燒鴨的男友撒嬌；凌為民先是一面疼愛地說：「鬼叫你要戒口咩，你要乖乖地食白切雞咯」；當見到Rachel嘟晒嘴仔「抗議」：「但你連皮都唔畀人食，好寡啫」時，為民先是冧滋滋地一笑，之後再「心軟」餵Rachel吃燒鴨：「算啦，我請你食一嚿喇，冇皮架吓！」，呢位貼心暖男100分。
昨晚一集，凌為民為表「清白」，向Rachel強調向來只視阿Nat（劉佩玥飾）為病人，Rachel聞言即撒嬌追問：「咁你（當初）當我咩人？」「你？你係一個周身病痛、唔識照顧自己嘅人，不過依家唔係喇，依家有我睇住你。」配以二人甜到漏嘅笑聲，甜度爆錶！
