/public/tvbcom/article/images/202509/4688d05a-91e2-47b8-9c7a-b9be5f1f3926.jpeg)
游嘉欣在《俠醫》中飾演因腦麻痺而需以輪椅代步的追夢少女周靜芝，角色相當有挑戰。昨日（11日）游嘉欣以Sporty Look現身《俠醫》記者會時美好身段表露無遺，除了一雙修長美腿、還有操得甚弗的腹肌及背肌，面部線條亦沒有之前拍攝《羅密歐與祝英台》圓潤。
游嘉欣受訪時透露並未有刻意減肥，笑言自己「穿衣顯肥脫衣顯瘦」之餘，並大爆原來已擁有七至八年gym齡：「其實我一直有刻意Keep fit嘅，咁就冇話最近真係特別咁去減肥。我本身都有一個好規律嘅運動模式，即係可能一個禮拜做兩日gym、跟住再做啲Cardio或者打吓Tennis咁，我係咁多年嚟一路都係 keep住咁樣去做。」、「我係穿衣顯肥、脫衣顯瘦嘅人嚟，我上鏡呢點樣都係會覺得圓圓潤潤咁，所以可能有時着衫多、人哋第一印象就會覺得我肥，但如果我一着少啲衫，啲人就會話：『咦，原來你都幾瘦喎！』」
游嘉欣續指之前予人感覺特別圓潤，是因身體出現了小毛病，幸好最近已康復：「我記得特別係喺《大夫》、《羅密歐》嗰段時間呢，我身體出現咗少少問題要食西藥去改善，我諗係啲西藥嘅副作用令到我個人好腫咁，因為我真係冇停過運動嘅，但嗰個階段就一路都冇咩成效咁，去到後尾我停咗啲西藥、再調理好番個身體之後，再加埋正常嘅運動同作息，就keep到依家咁。」、「所以有時真係唔好將自己Push得太勁，我可能就係將自己逼得太緊，先會導致身體嘅問題，所以依家我覺得係盡咗自己嘅能力就OK啦。」
