俠醫｜江欣燕親為首映不適離場解畫 揭當日兩大不為人知秘密 承認為拍劇刻意增磅：我冇唔舒服，好精神！

江欣燕（欣欣）早前在《俠醫》首個宣傳活動上、被指中途離開兼身形略胖，而引發熱話，令不少人不禁擔心她的健康是否出現了什麼狀況。

對此欣欣（江欣燕）感激各方好友關心，「首先我係有少少專登為個角色肥番少少嘅，都係放膽咁食吓嘢、爬吓飯咯，一個女人有幾多年可以開開心心咁爬飯？你哋話係咪吖？」

她一再強調自己健康狀況ok：「我冇唔舒服、好精神，我嗰日套劇首映係因為著咗七吋高高踭鞋太危險、加上我企咗好耐隻鞋好鬼痛又驚失禮，所以先入去後台坐吓、涼吓海風。同埋我嗰日條裙係臨時換嘅，改唔切下身，所以望落再圓潤啲。」