:quality(80)/public/tvbcom/article/images/202509/e949db3f-dc07-49dc-ad48-9bb28c974ff6.png)
《俠醫》（2025）昨晚一集，客串露宿者一角是「綠葉王」之稱的戴耀明在，與陳豪及張曦雯有對手戲。劇情講述張曦雯因工作關係前往一棟廢置了的舊式大廈，由於屋內燈光欠奉、加上環境混亂、鋪滿塵埃，有股莫名陰森感。
就在張曦雯最緊張之際，戴耀明飾演的露宿者忽然彈出兼捉住張曦文小腿唔放，嚇到張曦雯再度「扑頭黨」上身…幸好陳豪及時殺到阻止血案，並為突然昏迷的戴耀明急救，並給了戴耀明數百元解困。
雖然戴耀明的客串場口只有兩分鐘，但劇組依然花了不少心思為其設計及打造特別造型！
據知，戴耀明的露宿者裝扮是刻意向電影《乾柴烈火》中的張達明造型致敬，戴耀明接受tvb.com訪問時，坦言化妝同道具同事每個細節位都做到足，展現了tvb幕後團隊特有的專業：「化妝同事好認真，因為佢哋覺得流浪漢應該唔剃鬚嘅、所以啲鬚應該長長短短咁，所以『滲』咗好多碎鬚落我鼻哥下面同埋條頸上面。鼻哥下面啲碎鬚搞到我好痛苦，因為keep住好鬼痕，但又唔搲得，因為一搲就甩，真係痕咗成晚架，嗰一晚真係都幾難忘。」
戴耀明續指身上的水樽也像真度甚高，皆因夠臭，他說：「我身上面有廿幾個樽架嘛，裏面除咗真係有污水，估唔到仲真係有陣臭味慘出嚟，道具部嘅同事好勁，連味道都可以做到出嚟，令到我更易投入。」
戴耀明又笑言自己雖然一把年紀，但由於偏向皮光肉滑，故此開拍前一晚專登通頂唔瞓「搞殘自己」去配合角色：「除咗要靠化妝顯老，我特登之前一晚唔瞓去搞殘自己，都叫谷到個眼袋出嚟。」
戴耀明又大讚陳豪按摩手勢好：「佢幫我按摩真係幾舒服，因為我嗰晚之前通咗頂本身好攰，但陳豪幫我按一按啫，即刻好似按中咗我啲穴位，搞到我即刻個人好似精神番同醒番，佢真係按得好到位。」
又謂最難忘場口，是要用力捉住張曦雯的小腿，但由於拍攝時太投入，一度忘記放手，令他事後大感尷尬：「我投入到打燈同度機位時忘記要放手，變相揸咗張曦雯隻腳好耐，好彩佢都好大方，冇話我，我自己就有啲唔好意思。」他又笑言，張曦雯看到他的髮型時，笑言二人撞髮型，相當搞笑。
