/public/tvbcom/article/images/202508/c61cc707-21b3-4730-854c-b3cc6b7ebfba.jpg)
《俠醫》將會在9月1日播映，劉佩玥在劇中飾演「機心拜金女」沈綺婷(阿Nat)，是羅穎琛(張曦雯飾)地產公司同事兼閨密。
雖然阿 Nat 表面對經常甩碌的阿琛照顧周到又體貼， 但實質不但經常放阿琛暗箭;表面扮晒好心的阿 Nat，為了錢更暗地搶走阿琛不少生意。除了是名副其實的「綠茶婊」，為了錢不惜一切的阿 Nat，更視自己的完美 Body及女性美為生財工具，為了搶到生意、賺到可觀佣金，阿 Nat 不惜出賣肉體，當中最震撼三觀的情節，是阿Nat 先後與鄧力圖(鄭子誠飾)及鄧世鏗(丁子朗飾)發生關係！
延伸閱讀：俠醫｜陳豪張曦雯劉佩玥郭柏妍盛裝打扮為新劇造勢 揭劇集主題曲由古巨基獻唱
:quality(80)/public/tvbcom/article/images/202508/181b885f-fa44-4844-9751-d2d468fc2451.jpg)
為了令觀眾開劇前對阿 Nat 有進一步了解，TVB官方社交網日前釋出了一條搶先睇預告，身穿黑色貼身裙的劉佩玥不斷扭動腰肢及擺弄秀髮，加上迷離眼神，狀態誘人。之後，劉佩玥更「大腳趷起」大晒招牌長腿，期待指數爆燈。
談到新劇角色要周旋於不同男人之間，當中與「善良暖男」馬貫東及「超級奸仔」丁子朗最多瓜葛，劉佩玥受訪時，搞笑地以「享盡齊人之福」形容自己，並指自己至少與六個男角色有親密關係：「有丁丁、馬貫東、陳豪、Patrick Sir、鄭子誠， 同埋嘉輝哥。」
劉佩玥續指阿Nat 的角色其實很立體，令從演多年的她亦感到演繹時有難度：「首先佢係一個好識得去利用人心嘅女仔，對住唔同人，佢會識得戴唔同嘅面具，去爭取對自己最大嘅利益，就算要犧牲色相都唔係一個問題。 而阿Nat變成咁，同佢嘅童年啦同埋成長都有好大嘅關係，一個壞人背後嘅故事，其實都可以好淒慘。可恨之人亦有可憐之處，喺沈綺婷嘅世界入邊其實好難有愛，因為佢唔相信任何情感，唯有錢先至可以畀到最大安全感佢。」
