/public/tvbcom/article/images/202509/f1cec922-54f5-494c-80e0-34a7ec405e3a.jpg)
《俠醫》 現正熱播中，昨晚(17日)一集集笑料與醋味於一身！隨著 Rachel(張曦雯飾)與為民(陳豪飾)感情日漸升溫，阿Nat(劉佩玥飾)大受刺激的醋意亦冚冚聲，「醋向膽邊生」的她竟想到淋冰水+狂吹冷風這條苦肉計整病自己，目的只是希望藉著看病見為民一面，相當病態。
雖然阿Nat破釜沉舟，惜求醫期間竟遇著Rachel忽然暈倒入院，為民無視阿Nat苦苦哀求直奔醫院，大受刺激的 Nat，最終踩上醫院鬧爆 Rachel 之餘，更摑了 Rachel 一巴兼瘋狂扯她頭髮，幸好為民及時趕到阻止！
延伸閱讀：俠醫｜丁子朗演賤格反派超突破 獲網民力推做鄭子誠接班人：佢真係好黑人憎
:quality(80)/public/tvbcom/article/images/202509/c4833677-b05a-4dca-94f5-a426750a8534.jpg)
談到被摑場口，張曦雯受訪時透露觀眾見到的是重拍片段，並謂為了拍攝效果，一早已與劉佩玥商議好要真摑：「因為嗰場係重拍，所以阿Moon係摑咗我好多次架喇，哈哈!其實拍呢啲戲寧願對手大大力打落嚟，一吓唔使NG 仲好， 因為唔使驚就位同反應唔夠真實。我同阿Moon今次合作好開心呀，因為大家咩都會好open去傾，嗰日拍完摑戲，我哋一cut 機又嘻嘻哈哈。」
+1
至於淋冰水場口，劉佩玥坦言拍攝時確是很凍，並感激導演Patrick貼心安排：「因為要拍好多角度同 wide shot，導演有好好安排拍攝次序，等我捱凍時間縮到最少。因為我哋拍攝嘅地方喺廠入邊，所以個廁所係假嘅，沖涼間嗰個去水嘅位都係假嘅，啲冰水其實一路浸住我對腳，但佢哋為咗我唔好捱咁耐凍，我見到佢哋用最短時間去轉機位；仲有因為廠入面好凍，所以我一淋完凍水，佢哋即刻攞住毛巾衝過嚟幫我，又準備咗熱水畀我。所以雖然真係好凍， 但有多人咁錫我，我心入邊係好暖嘅。」
