俠醫｜丁子朗迷暈張曦雯成焦點 自爆NG近20次認挑戰大：好刻骨銘心嘅一場戲

半裸上陣的丁子朗大騷弗爆身材兼結實腹肌，其中他撕爛張曦雯的黑絲後更親吻其右腳，再繼而撕開其衫領再咀對方，極度變態，難怪這幕出街後引起關注，網民留言直批他簡直是衣冠禽獸，相當賤格！

幸好最終凌為民（陳豪飾）趕及酒店，最終羅穎琛才沒事，逃過一劫。

談到這場迷姦戲，丁子朗接受tvb.com訪問直認這場戲挑戰大，「我起碼NG咗近20次，因為監製同導演想我做得好變態迷姦Kelly，但係我一直做唔到，所以做到中間自己都好氣餒，冇晒信心，覺得自己唔適合做演員 。」

丁子朗感謝監製和導演沒有放棄他，「佢哋同我逐個逐個take做，我都好感激Kelly，因為佢要畀我不停撕爛對絲襪再不停換，佢都好辛苦，所以希望大家會覺得我做得合格，呢場絕對係我演藝生涯刻骨銘心嘅戲。」

提到他今次演反派獲觀眾力讚，更封其做「鄭子誠接班人」，問到丁子朗會否再想做這類角色，對此他表示想再挑戰做反派，亦絕不怕定型。