陳展鵬單文柔培育小豬比學騎馬溜冰 愛女入讀IB神校雲集名人星二代

日前單文柔指由於有6日假期，所以安排一系列活動給小豬比，包括騎馬、溜冰和整月餅，又指從玩的過程，可以聽到很多女兒的想法，「好開心可以高質量咁陪伴佢，可以暫時放低學習，陪伴玩，最重要係陪『傾計』，喺過程之中，嚟一場有深度嘅對話！好多時直接問小朋友學校過得點呀？未必可以深入了解反而喺玩過程之中，可以聽到好多佢嘅諗法。」

單文柔指從聊天的過程發現小豬比懂得照顧自己，「原來Quinta 真係開心 ，學咗好多新知識，好在仲保持住BB嘅稚氣，而且多咗好多自己嘅想法。」

她又指囡囡很喜歡新的校園生活，直認自己也十分緊張，「由三個鐘幼稚園轉到全日制，都係需要一個適應期，適應全新嘅環境。我哋好想知道佢喺學校每一個細節，好似我仲緊張過佢🤭準備重新再返學讀書！簽通告，又有唔同Apps同group ，我都好驚自己做漏嘢，好彩身邊有一啲好好又有經驗嘅家長朋友，畀我不厭其煩咁問佢哋嘢，好快我都上咗軌道。」

陳展鵬和太太單文柔曾接受傳媒訪問指女兒為人獨立：「有時候做功課，她還很小年紀時，例如她寫『1』、『A』，我見她有時寫得不好幫她寫，她都會擦掉再自己寫，她現在做功課也是這樣子，她不喜歡我幫她寫的。」

他們指選擇這間學校原因，也以女兒的性格為考慮主因，「Quinta比較適合一些自己落手落腳、做報告、有不同活動的學習方式，最後我們選了一所國際化的私立學校。」

蔡繼有畢業生IB成績亮麗，今年更誕生1狀元6榜眼，令蔡繼有成為香港熱門IB學校之一。不少星二代也選擇入讀，包括郭可盈林文龍女兒林天若、林曉峰康子妮兩名兒子林寶及林熙、徐菁遙（前名徐淑敏）大女黃心瑤、郭晉安大仔郭令山、以及胡諾言陳琪的子女等都是校友。