/public/tvbcom/article/images/202511/58ce4139-ab8f-4c2b-b058-2175a200e055.jpg)
現年61歲的邵卓堯，入行至今參演過過百部劇集，是名副其實的TVB金牌綠葉王，因反派形象深入民心，獲封「TVB御用壞人」。今年2月邵卓堯與女友在沙田婚姻登記處註冊結婚，此後與妻子移居內地生活。邵卓堯不時在社交平台分享日常，獲得不少關注，日前更罕有夫妻檔拍片，期間卻因為一句話激怒太太，被喝令「出街瞓」？
近日與太太乘搭大巴回港的邵卓堯，一臉愜意表示：「休息返屋企」，身旁的太太聽完即問道：「返邊度屋企啊？」邵卓堯回覆：「返我香港屋企囉。」怎料這句話瞬間「惹惱」對方：「吓？你屋企？無我份架？吓？我嫁咗俾你個喎。吓？點解無我份？你香港收埋啲咩唔俾得我知？有無收埋啲其他嘢唔俾我知？」。
面對老婆連珠砲的問話，邵卓堯立刻糾正：「無無無！得得得，返我哋屋企。」太太隨即拋出一句：「你真係想今晚出街瞓啊你。」邵卓堯直言不想，更攬實老婆花式放閃，網民大讚二人好sweet：「哥，又秀恩愛了，阿嫂好靚女」。
+1
