/public/tvbcom/article/images/202508/c5d0c16d-960e-4f8f-901b-9df2ef82bb5a.jpeg)
賴慰玲（Winki）於2017年與舞台劇演員梁子峰結婚，婚後育有兩個可愛囝囝，組成幸福四口之家！轉眼間，大仔Marat已經7歲，細仔也已7個月大。曾笑稱「患上我個BB最得意症」的賴慰玲不時於社交網分享B仔相，融化網民！為了捉緊暑假尾巴，她日前（25日）帶兩個仔仔去主題樂園享親子樂，溫馨滿瀉！
賴慰玲留言表示：「弟弟第一次去海洋公園，坐纜車、睇動物好開心！今次仲同小狐獴Date，我哋餵佢哋食嘢🐛佢喺我哋身上面走來走去，完全冇怯場！」她還附上多個標籤：「#當然有同我個媽媽friend盈盈傾吓 #佢湊兩件都唔易 #佢果兩件一歲 #我嗰兩件七歲同七個月 #iknowthatfeelsis #我話無怯場係指我 #哥哥就探佢個friend聰聰 #暑假最終嚟到尾聲 #我覺得媽媽們要攪返個慰勞宴囉」
+4
依相可見，BB坐纜車時乖乖被媽媽攬住，眼仔碌碌向外張望充滿好奇，另一張靠於膊頭的畫面，cute爆表情瞬間惹網民心心眼：「好得意呀」、「Cute」等，亦有人表示「細佬似老竇」，即引得賴慰玲醋意大發：「似我！」
