蕭正楠樂做「湊仔公」 抱B臉露慈父樣： 只要望見小兒子，一切都是值得

蕭正楠與太太黃翠如的兒子於上月出世，二人榮升新手爸媽。昨日（6日）蕭正楠在社交網首晒父子相，分享湊B點滴。相中可見，雖然他一臉倦容，但只要見到囝囝，就笑到見牙唔見眼，一臉慈父樣，更表示：「可能經常唔夠瞓嘅關係，感覺有啲迷幻，有時啱啱忙完一輪，想坐低睇一陣，我獨自升級，跟住就會有人將個喊緊嘅BB交畀你。」

他又指為了照顧囝囝，要告別打機看動漫的生活：「已經升級咗做爸爸，能力愈大，責任愈大，可能打機睇動漫嘅日子，已經離我愈嚟愈遠⋯⋯但只要望見小兒子，一切都是值得。」一班圈中好友馬國明、陳自瑤、胡定欣和陳山聰等紛紛留言大讚蕭正楠是好爸爸，更指這個畫面好溫馨，又叫他要好好享受。

新手爸爸蕭正楠為了迎接小生命的來臨，在囝囝未出世前，已專登抽空上育嬰班，希望分擔老婆湊B工作，他曾分享上堂過程，由幫BB沖涼、餵奶後掃風手勢：「見習爸爸準備中，有咩錯漏請包涵。」總之有仔萬事足。

延伸閱讀：黃翠如BB房首曝光 抱B與醫護團隊合照幸福滿瀉