蔣家旻淋香檳濕身玩色誘 張振朗還原當時真相：其實啲香檳係全部淋晒落我條褲

TVB近日在深宵時段重播《反黑路人甲》，劇中演「高彬」張振朗不時在網上落力宣傳劇集，又晒出多張花絮：「反黑路人甲重播呀，第一次宣傳深宵重播劇，拍得好開心嘅一套劇。」

日前振朗在網上分享一段劇中場口，講到蔣家旻帶香檳到他家，更用香檳淋到成身濕來色誘他，惟最終振朗扮「基」講大話指躲在廁內的王浩信（飾演蔣世龍）是其的「男朋友」，成功令蔣家旻離開。

振朗在片段上配文，還原當時真相：「我好記得呢場戲為大家帶來感官刺激好強之餘，其實啲香檳係全部淋晒落我條褲到係『全部』，我先係真正濕晒嗰位。」不少網民表示「原來真相係咁」、「真係濕喎」！