葉蒨文曾展望閃爆旺角 現身應援大型屏幕廣告打卡 親解粉絲名GPS原因：我哋一聽就好鍾意

日前葉蒨文（Sophie）與曾展望（GM）親到現場打卡留念，並網晒相片，相中見葉蒨文（Sophie）一副小鳥依人樣依偎在男友身旁，擺出各種甜蜜甫士；曾展望（GM）則展露招牌笑容，二人在鬧市中大方放閃，甜度指數爆燈！

粉絲除了如此有心送上這份大禮，葉蒨文（Sophie）更指很喜歡他們為其改的粉絲名「GPS」，「粉絲們叫我哋做GPS < GM plus Sophie >，我哋一聽到就好鍾意，因為我哋認為一段美好嘅關係喺成為彼此嘅人生導航，浪漫之旅雖已啟航，但未來仲有重重難關，希望無論遇到幾多困難同考驗，雙方都能成為對方的指引，找到回到彼此身邊的路。」

她亦感謝來自18個不同城市的粉絲送這份禮物，「估唔到我哋可以連繫到咁多住喺唔同城市遙遠的你，更加估唔到你哋對我哋咁堅定，喺八月大結局都未播嘅時候就已經下訂，多謝你哋嘅支持，希望我哋可以用共鳴同愛聯繫到更多人，將多啲正能量帶畀大家。」

當中一路見證他們成長的林盛斌亦留言「我都希望有一日有人咁樣幫我應援」。