《萬千星輝賀台慶2026》昨晚(19日)隆重舉行,當中《中年好聲音2》的黃劍文在台慶大抽獎環節原本幸運獲抽中,卻因為一時肚餓去了食雞髀,結果痛失總值超過10萬港元的豐富獎品連免找數簽賬額,認真陰功。
+4
事後黃劍文在社交網發文自嘲被封「雞髀文」,笑言:「從來抽獎都冇乜點樣抽中我 今年抽中咗,卻因為一隻雞髀 🍗 錯失10萬 獎品被封「雞髀文」 TVB 59 happy birthday 🥳 恭喜Benson下次記得請我食雞髀呀 🤣」。
他解釋當晚忙住排隊影相及為「最佳甫士」排隊,之後因肚餓便到便利店買雞髀食,食完先知錯失抽獎;雖然收到電話已經狂跑返一廠,但去到已經在頒獎。他更幽默提醒大家「參加台慶 之前 食飽先好去」,並強調自己依然鍾意食雞髀,笑指:「要買雞髀廣告炸雞廣告都可以搵我㗎🤭 今晚應該唔會瞓唔着啩 🤣」。
