:quality(80)/public/tvbcom/article/images/202511/4c53b166-b236-4534-9325-d8c847783255.png)
「群姐」許思敏憑《愛.回家之開心速遞》成功入屋，不少網民被她生鬼的演出折服。近日有網民搭港鐵時野生捕獲群姐，見戴着迷彩口罩的群姐翹腳而坐着，霸氣十足，樓主留言：「搭地鐵見到清潔部群姐，求開場白同佢合照，在線等。」
有睇《愛.回家之開心速遞》入晒戲的網民笑言：「同佢講要買個收風plan，得咗。」、「比錢佢加入收風plan 」、「你好，我係歐陽波比」，非常搞笑。
亦有不少網民分享偶遇群姐的趣聞，大爆她私下真實人品，「N年前放學搭巴士佢坐正我隔離、好好傾又冇架子」、「」2019 年晏晝時段，在新城市廣場大家樂遇見群姐，我同阿女坐另一張檯，群姐坐在我隔離檯，我就話 Hello 群姐，我好喜歡睇你拍「愛回家」呀，你演譯得好好笑，群姐話我都係做返自己遮，之後我問（我可以同你影幅相嗎？）群姐話好呀！」、「我好多年前做sales 已經近距離接觸過佢啦，佢好好人㗎，咁多年都保養得好好。」，看來群姐戲裏戲外都大受歡迎。
