/public/tvbcom/article/images/202507/04d3b52c-4289-4a95-831b-8cbb7d73886a.jpg)
梁敏巧（Maggie）近日參加《女神配對計劃》人氣急升，她昨日（23日）在IG分享多張去迪士尼遊玩的相片，見她身穿吊帶清涼裝現身樂園，又抱著米奇公仔，對著鏡頭狂擺可愛pose，獲大批粉絲激讚是一位好有童心的女神。
梁敏巧指，其實自己一直很喜歡迪士尼，但是卻從未試過和另一半去。個中原因究竟是什麼呢？
+3
梁敏巧都有親自解畫：「因為考慮到男仔都未必鍾意去，又要曬又要排隊又要瘋狂影相，又要睇幾點有演出，又可能會買嘢拎住好重嘅嘢周圍行。當我好有童真嘅時候，佢又要俾我情緒價值，真係好考耐性，體力同埋EQ。好怕當大家意志力同體力都去到盡頭嘅時候會嘈交，好怕本來大家開心去玩，但係最尾都係唔開心，所以一路都唔敢提出想去主題樂園嘅要求。」
不少網民都指梁敏巧實在是一個太會為人着想的好女仔，擔心她受到傷害，不過梁敏巧也表示，仍然期待未來能與男友一齊在迪士尼共度美好時光：「好想同另一半喺迪士尼睇一次煙花，影好多好甜蜜嘅照片，一齊去玩機動遊戲，有一個好甜蜜好難忘嘅回憶。」
而葉蒨文（Sophie）也有暖心送上安慰：「我超鍾意去迪士尼，我有全年證，我可以陪你幫你影靚相，直到你遇到嗰個❤️❤️❤️」，非常sweet～
