林淑敏超窩心為舊相識介紹工作 網民激讚人美心善 本尊：好小事之嘛，有啲嘢係應該要做

該網民在社文網留言，「唔係所有藝人都係偽人，藝人都有善心人，《愛回家》嘅大小姐便是其一，佢真係好熱心助人，大約一年多前我同佢講過有job，請介紹俾我，你點會諗到過咗咁耐佢都依然上心。」樓主上載對話截圖，見林淑敏熱心問到她會不會日文，熱心地問：「有朋友日文公司啱啱走咗marketing，我諗起你啫。」可惜樓主不會日本而婉拒。

貼文一出，不少網民畀Like，大讚林淑敏「人美心善」，「真人非常之Nice，一啲架子都冇」、「以前因工作關係成日會接觸到藝人，大小姐係咁多位最nice最溫柔的」、「佢真係好好人」、「真正嘅人美心善」。

林淑敏接受tvb.com訪問，她謙稱：「好小事之嘛，有啲嘢係應該要做，人應該係咁，唔值得大家誇獎。」