:quality(80)/public/tvbcom/article/images/202604/4cc325c0-81c0-48d6-916b-f17eed3b117b.png)
李家鼎前妻施明上月21日離世，終年74歲，昨日於大圍寶福紀念館設靈，今早出殯。完成火化儀式後，十仔李泳漢在解穢酒現場接受訪問，被問到「拒絕弟媳入靈堂」及「兄弟不和」的指控，他說：「其實我依家真係好多事要處理，暫時冇時間同細佬坐低慢慢傾，如果佢都想同阿哥坐低傾偈，I Never say no我唔會 say no。」他續說辦理媽媽的喪禮時，已第一時間通知細佬李泳豪，「甚至乎有啲咁唔愉快嘅事，我都冇話叫佢唔好出席，所以睇佢。」
延伸閱讀：施明出殯丨李泳漢捧亡母遺照 與李泳豪全程零交流 李家鼎憔悴要人扶
提到他不讓弟媳出席喪禮，李泳漢強調是媽媽的意願：「我一早講過我阿媽冇認過佢，我係要堅守。邊個話單方面講，你哋會清楚得過我阿媽，你會清楚得過我？我都話我有人證，證明我阿媽唔鍾意，冇認過佢，同埋佢哋結婚冇預過我阿媽。」記者再追問弟媳未有披麻帶孝，連鞠躬都唔畀？他說：「咁佢咪喺門口鞠咗躬，咁咪係囉，鞠咗啦嘛，咁你問咩呢？」
講到分家產的傳聞，李泳漢說：「依家係要處理好佢嘅身後事，唔係話剩係上完山就算，我哋仲有好似骨灰嘅嘢，仲有啲法事嘅嘢，其實呢 49日係一定要俾佢安靜。」李泳漢續指喪禮支出由自己負責，他說：「喪禮支出都係我俾，佢哋兩個一毫子都冇。」
