姚子羚免疫系統出問題生紅疹親回現時身體狀況：天氣太熱都唔可以出去

點讚

撰文：柔娛絲

發佈日期：2025-06-05 10:25 更新日期：2025-06-05 10:26

姚子羚日前在社交網分享一輯靚相，透露身體出問題飽受紅疹困擾，「從五月開始到現在，身體就開始不斷長出又紅又癢的疹子，幸運的是沒長在臉上。」。

她指出疹全因免疫系統問題：「這些天伴隨我的就是抗敏藥、類固醇藥、戒口和很累很想睡，醫生說是和我的免疫系統有關。」

姚子羚續說：「紅疹會像過山車一樣，去到頂點之後才會緩和下來，一般需要八到十二個禮拜的時間。」

她望6月身心能盡快康復，「要趕快好起來～才能跟陽光玩遊戲，和好好準備我之後的工作，大家也要多注意身體，願有個安好、順心的六月。」

姚子羚接受TVB.COM 訪問親透現時身體狀況：「醫生話我嗰個叫玫瑰糠疹，都係啲身體免疫力嘅問題，醫生都開咗抗敏藥同類固醇藥膏畀我，但只係舒緩而唔可以根治。」

她指何時會痊愈要因人而異：「有啲就係8-12個星期，佢都有開口服嘅類固醇藥畀我，但因為我覆診時肚痾，所以醫生唔建議我食住，要喺身體健康嘅情況下先可以食。」

不過子羚指也不會考慮吃類固醇藥，全因會傷身，「我嚟緊都會睇中醫，希望調理番好個身體，同埋我出咗個Post後啲朋友同有心人都有私訊我，同我講有咩方法根治。」

原來今次並非子羚首次生紅疹，她說：「之前都試過拍劇嘅時候，瞓咗係一張污糟嘅榻榻米，跟住畀蝨咬之後就有身體過敏反應，跟住都係要食藥，但係冇今次咁耐，所以上次就係畀蟲咬嘅身體過敏反應，今次係免疫力嘅問題。」

她又指現時也是休息為主：「因為天氣太熱都唔可以出去，流咗汗啲紅疹又紅又痕同會腫，但有啲工作編排咗都要去，希望盡快好番，依家自己都喺生活飲食調理同休息多啲。」

主頁