奪命提示｜童星何珀廉親揭與劉佩玥關係 自爆因一事請對方食檸檬 ：BB開始變成少年了

現年13歲的童星何珀廉（Curtis）在TVB熱播中劇集《奪命提示》擔任不少重要戲份，雖然他年紀輕輕，惟演技出眾，其中一場他要挑戰「陰沉神秘」、「失神」及「極度驚慌」等不同場口，盡顯功架。

劇中何珀廉與劉佩玥感情要好，現實中原來二人亦老友鬼鬼，劉佩玥戲裏戲外同樣非常疼錫他，皆因她由珀廉幼稚園開始看着其長大，當知道今次再度合作，真的十分開心。

何珀廉媽媽表示：「當時係抱得起珀廉果種細個，到姐姐第一次做媽媽角色，一齊經歷最難過嘅劇情，佢話拍完後唔會斬纜，然後這些年來她一直關心佢嘅『BB』，而BB係再次合作時又同佢展開搞笑對話。」

原來劉佩玥慘被食檸檬，皆因她對何珀廉說：「BB，你不如多啲whatsapp 我丫！」珀廉則回：「唔得閒，我好忙架，我要練琴同讀書！」

雖然如此，劉佩玥沒有生氣，更覺對方十分搞笑，而她更將此對話告訴何珀廉媽媽，「Moon卡卡大笑來跟我分享，我話咁大膽請你食檸檬，佢話就係鍾意佢夠坦率，佢真係好錫呢個小朋友，錫到佢講咩都唔會嬲，仲會覺得好搞笑，我話唔得架，要學習一下，太坦率有時會令人誤會！然後尋日劇集出街，佢果幕緊張同內疚完全係真情流露，好touch到我，我知道係真實感受，佢真係好內疚冇接求助安仔既電話而令佢有生命危險，轉眼去救他又有堅定既眼神，不只係戲，更是真實。」

何珀廉媽媽又指劉佩玥與仔仔經歷甚多，很開心能遇上她：「他的第一個小演員獎，也是Moon姐姐親手頒發，會睇他的戲和支持他，佢會因為我哋係佢附近，就會好有型咁出現接我哋，好爽朗嘅個性，而且還跟我分享很多積極樂觀嘅心態，幾個月冇見，珀廉高左，佢唔捨得佢嘅BB開始變成少年了，佢話唔會理，照攬🤣🤣她就是這樣爽朗，我哋好幸運能夠遇上你，好開心可以同你再續前緣，繼續做你嘅小情人。」劉佩玥在帖文留言「照攬實」，可見她真的十分疼錫珀廉。

何珀廉2021年開始參與劇集拍攝，至今參與過《金宵大廈2》、《美麗戰場》、《羅密歐與祝英台》等13部劇集拍攝。除了劇集拍攝，珀廉還有參演電影拍攝，2023年更憑《年少日記》提名金像獎最佳新演員，實力不容忽視。

除了演藝成就，Curtis還被譽為「鋼琴尖子」，現年只有13歲的他已同時擁有鋼琴演奏級、小提琴六級文憑及八級樂理佳績，亦曾奪得多個香港及國際鋼琴比賽的獎項。

延伸閱讀：奪命提示｜何珀廉「安仔」曾提名金像獎新演員 13歲鋼琴已達演奏級水平曾於不少國際賽事中獲獎