《愛·回家》女星返科大參加頒獎禮神科畢業被封學霸

撰文：柔娛絲

發佈日期：2026-01-12 07:30 更新日期：2026-01-12 07:41

呂慧儀日前在網上透露返了母校科大，並晒出相片，發文：「當年讀書時，從未想過畢業後仲會返嚟。今日返到母校，聽著每位得獎校友的分享，獲益良多。」

她續說：「衷心恭喜每一位得獎者，你哋的故事令人感動又敬佩，也令人期待未來的自己。的確，母校提供了土壤讓我們成長，而我們，也可以選擇敢試、敢創新，努力發光發亮。」

呂慧儀接受tvb.com訪問透露今次是特意返母校參加頒獎禮，「今年有三個得奬者，一個係我的舊同學，一個是我以前的Professor，另一個是我的師弟，所以今次返去支持佢哋。」

雖然呂慧儀畢業已久，她不時返母校撐場，「我都有出席支持吓母校嘅活動，之前都返去做咗個Gala Dinner MC。以前都無諗過畢業後原來都可以為母校做啲咩，返去聽聽其他校友嘅分享都係一件獲益良多嘅事。」

呂慧儀2006年參選港姐奪得季軍後入行，她是圈內知名學霸，中學就讀於屯門區Band 1中學，擅於算術，預科選修Pure Maths，中七時理科全級第一，於A-Level中中國語文及文化科取得A級成績，成功入讀香港科技大學「神科」電子工程系。

早前她更透露半工讀完成完成牛津大學商學院課程，其晒出的成績單來看，絕大多數課程成績都在80分（百分制）以上，成績不俗，相當厲害。

主頁