劉兆銘離世｜2013年獲頒「萬千光輝演藝人大獎」 Ming Sir謙稱：我願意繼續向大家學習

劉兆銘多年來在無綫留下無數膾炙人口的作品，包括《千王群英會》、《天龍八部》、《射鵰英雄傳》、《笑傲江湖》、《誓不低頭》及《今生無悔》等，塑造過許多家喻戶曉的角色。

2013年於《萬千星輝頒獎禮》接過「萬千光輝演藝人大獎」時，他在台上感動至眼濕濕，感性表示：「無數咁多觀眾喺世界上，都讚賞 TVB 劇集喺佢哋心裏面得到好多快樂，呢個獎係透過無綫同埋我哋 TVB 幕前、幕後嘅藝人一齊努力造就呢個獎嘅出現，我只係其中一分子。」

提到演繹過眾多經典角色時，劉兆銘依舊保持一貫的謙遜大師風範，謙稱：「都係好少，每個成功嘅演員、藝人，係付出非常之多嘅努力，佢哋嘅努力係得到成就，我繼續願意向佢哋學習，希望跟住佢哋做好TVB嘅劇集，向世界邁進，多謝各位。」其一生為演藝界默默付出與不斷求進的精神，將永留觀眾心中。