佘詩曼開工前玩盡米蘭 不惜訓身踎低幫呢個人影相 對方超巴閉

佘詩曼（阿佘）近日飛到米蘭出席時裝騷，完結後與團隊留在當地玩樂數天趁機「叉電」。連日來佘詩曼也在社交網分享多張玩樂照，向來是「吃貨」的她，吃了不同的美食，又吃雪糕，滿足其願望。

佘詩曼更與團隊去了多個景點打卡，其中一張更見她不惜訓身踎低幫人影相，要阿佘出馬親自操刀，這個人相當巴閉，原來對方就是其經理人，阿佘更表示「要求極高 ，我哋好大壓力」，相當搞笑，足見她們感情非常好。

阿佘亦發文指此趟旅程雖發生不少烏龍事，仍感到很開心：「歡樂嘅時光過得特別快，話咁快，我哋嘅意大利之旅，已經到咗第四日，亦都係接近尾聲喇！雖然成日行錯路，差啲上錯船，又行到腳都跛。但係每當去到一個靚嘅景點，我哋又會喪影相，又或者去到一間好味嘅餐廳，就會唔記得咗時差其實好眼瞓、又會食得好開心～所以總結今個trip係正嘅！各位團友，下次再玩過～Work hard play hard～」

最後她再表示「要收拾心情，準備拍『新聞女王2』喇～」其實之前阿佘曾透露《新聞女王2》將會在3月中開拍，又指今次出場會有所不同，所以在造型上會有些特別，令一班觀眾相當期待。

延伸閱讀：佘詩曼現身米蘭時裝周被包圍 親民與粉絲握手拍照 一貼心舉動超親民？