TVB x MarketingPulse｜ 莊子璇自爆難做Foodie 鄺潔楹貼地玩Threads

莊子璇自言向來喜歡分享搞笑日常，更指對fashion最有興趣，「我鍾意分享點樣襯衫，好似ootd嗰啲。」

問到她有否興趣做Foodie，她直言為「吃貨」一名，「雖然我好鍾意食嘢，但每次啲嘢食一嚟到，我已經忍唔住食，做唔到相機食先，所以好難做Foodie。」

她又指今次參加這個活動，令其發現要經營社交平台並不容易，「因為我不嬲都係睇心情要出post，但佢哋話要一星期出1至兩次post，個流量計算方法先會較好，所以我都要勤力啲去做，做多啲唔同類型嘅內容。」

至於鄺潔楹則自言在2022年頭，開始拍攝短片的內容，這幾年已找到自己的方向，「依家做藝人唔同 ，以前感覺係神秘好多，但依家多咗social media 後，可以畀大家見到我哋真實嗰面，我比較鍾意分享化妝、護膚同埋搞笑嘅日常。」

她指一向是自己剪片，因此即使不用拍戲，也要構思拍片，惟從中也找到樂趣。

她表示現時會規律自己一星期出兩次post，「原來唔可以隨心所欲出post，當我發現唔規律出post ，原來IG會知，當下次再出post就會少咗好多engagement 。」

另外，談到現時很多藝人也會玩Threads，鄺潔楹直言不時會留言回覆網民，「早排有網民話喺尖沙咀撞到我，但佢只係影到我背影，有人留言問『係咪真係好矮』，我都有回覆『係』，我覺得幾搞笑。」