TVB《真情》93歲女星激罕現身 與友人茶聚玩Bingo勁精靈！曾於屋企暈低要裝心臟起搏器

日前資深傳媒人汪曼玲就Po出多張與好友茶聚嘅照片，當中除了有張兆輝、古天樂媽媽、冬嬸、梅小青劉家豪夫婦外，容姨也是這次茶聚的坐上客。汪曼玲在帖文中寫道：「多謝老虎請三圍枱36人在名廚飲茶。好似過年咁熱鬧，好似開嘉年華會。除可口點心外，更每人奉上六合彩一張。今晚開獎，帶給大家中獎財運。另外又玩Bingo,有啲好運，連中兩次，我係一次都冇中，不過都戥人開心。」依相中所見，容姨面色紅潤精神相當不俗，她跟冬嬸更相當幸運，玩Bingo連贏大獎。

現年93歲的容姨，去年在接受汪曼玲網上頻道訪問時，就透露自己曾於家中突然暈倒：「我嗰晚食完飯坐喺梳化睇電視，嗰陣天氣仲係好熱，我諗住行去閂咗風扇，點知一轉身就暈低咗，好彩工人啱啱走過嚟，好彩一剎那好快就醒咗。」而後經過檢查，發現她心率不正，心跳更曾跌至29，故需安裝心臟起搏器，幸好手術後已經康復，容姨更精靈表示自己記性OK、耳仔聽得到，對眼連一條頭髮跌落地都睇到呀！