TVB御用師奶黃鳳瓊轉行做陪月員 自爆曾因成日演呢兩種角色深陷自我懷疑

黃鳳瓊曾飾演《大時代》中飾演丁蟹（鄭少秋飾演）的老婆、電影《九品芝麻官》中與常威（鄒兆龍飾演）有姦情的婉君表妹、《唐伯虎點秋香》中唐伯虎的老婆，這些角色亦是最令人印象深刻的。黃鳳琼還在談話中分享早在周星馳未紅時就已認識對方，有幸拍到他的電影非常開心：「大家有返咁上下你先會行埋一堆，即係我入行嘅時候，我唔會走埋去痴住劉嘉玲，你明唔明呀？人哋有身份地位，大家唔同……但嗰陣時星爺，我哋叫佢做星仔，佢仲做緊《430穿梭機》，會傾計、一齊玩，後來佢得公司賞識拍劇集，佢拍啲劇我幾乎全部都有份演，行行企企，一齊開工都有段時間。後來佢出去拍電影，仲會喺公司搵人，當時比較年輕，得以拍《唐伯虎點秋香》……都幾開心嘅，雖然得幾組戲，後來再搵我演《九品芝麻官》，但之後冇喇，係咪我做得唔好呢？」不過楊英偉安慰她，指可能周星馳離巢後，改由電影公司選角，認為黃鳳琼演技冇得頂。