TVB小花生日獲粉絲送驚喜 竟被超大人形紙板嚇親？

TVB小花戴祖儀將於本月22日生日，其一班粉絲相當有心，在某餐廳貼了多張戴祖儀的人形紙板，就連Menu也有其樣子，讓粉絲可以周圍打卡應援，為她送上生日驚喜。

一班粉絲如此有心，戴祖儀亦親到餐廳，更分享了一段短片，片中見她在吃意粉，「食食下」望向前面的大形紙板，竟被自己嚇親，皆因粉絲選了一張相當性感的照片，更露出其亮眼上圍，吸睛度爆燈！

難怪戴祖儀也發文：「事緣小妹就嚟生日🐒我fans Club真係好有愛❤️俾咗個應援Cafe surprise我☺️係揀相方面，佢哋真係世一」。

最好笑見她用刀扮𠝹開自己張相，更指「為咗令大家食慾好啲，我決定鋸深啲」，此帖文吸引大批網民紛紛留言表示「點解要對住自己食野」、「想去影相」，其中更見鄧伊婷留言「咁界法🔪痛唔痛？」，戴祖儀即回覆表示「心痛」，非常搞笑。