70歲米雪揭多年單身之謎 認享受冇家庭負擔：好多瓣嘢要做！

入行55年的米雪日前宣佈將於6月舉行首個紀念音樂會，年屆70歲的她近日現身YouTube節目，大方分享單身多年的心聲。

延伸閱讀：米雪凍齡力再升級！着休閒西裝有型有款 同粉絲狂打招呼勁有活力

自摯愛尹志強（尹佬）於2010年病逝後，米雪一直獨身至今，被問到為何不再找個伴，她爽快回應：「邊有時間！完全唔覺，眨眼就十幾年。」

米雪又稱現時生活極度充實，一天二十四小時也不夠用，「一日四十八小時就最好，我助手都話要辭職（玩笑），跟住我都係幾辛苦。」她續指：「其實拍戲係我副業，我仲有好多瓣嘢，譬如我係半個社工，又做義工。而且，我係一個好好嘅聆聽者，有人訴苦，我就會坐喺度聽，覺得適合嘅時間就搭佢嘴，又係拉鍊嘴，唔會講俾人聽，所以佢哋都好鍾意同我講嘢。」

米雪坦言自己很享受這樣自由自在的生活：「我又冇家庭，朋友就話聽日我哋去台灣、美國、返大陸玩，我又隨時得，我係一個好腳，食飯旅行都得。所以朋友多，變咗好多辦數，似單身但非單身生活。」