69歲TVB御用惡人演技精湛遭途人爆粗狂鬧 1反應獲網民狂讚大度

王俊棠飾演的惡角奸到出汁，其精湛演技常令觀眾對其角色感到憤恨。他憶述入行初期與朋友經過灣仔酒吧街時，遭醉酒途人爆粗狂鬧：「有一個人可能飲多咗，就咁指住我係咁鬧我，用粗口鬧我。」而王俊棠不但沒有生氣，反而笑笑口回應：「佢鬧我既係話演戲成功，佢心目中覺得我係一個衰人，咁OK囉。」

他續回憶一位「青島小姐」朋友曾在不知情下與他食飯，一見到他就喊，原來王俊棠在《陀槍師姐》中飾演的「聶世官」一角成為對方的童年陰影：「一見到我就喊，佢話好驚我，咁都有」。

對此，王俊棠表示完全不介意，他更指拍戲的動力全憑興趣：「搵錢係其次啦，都要搵嘅，但興趣先係最緊要」，專業精神令不少網民敬佩：「棠哥很大度，演技派」、「可以演到讓觀眾害怕討厭，的確是神一般的演技啊！」。