/public/tvbcom/article/images/202510/f49c1312-7b36-4bd0-8b12-573d36e8a781.jpeg)
現年65歲的文雪兒是70年代花旦，兩位愛女張筠（Christy）與袁萃（Jennifer）先後結婚生B，文雪兒近年也減產，大享湊孫樂。細女繼先後誕下兩名寶貝仔仔之後，上月又喜迎第三胎，文雪兒亦第4度榮升婆婆，可喜可賀！轉眼間BB已經滿月，文雪兒日前（1日）於社交網晒出合照，並配文：「小孫女滿月啦 #恩典滿滿 #快高長大」。
依相可見，文雪兒抱著寶貝孫女，望住鏡頭笑得十分開心，而懷中的BB眼仔碌碌，得意樣融化大批網民，紛紛留言送上祝福：「恭喜恭喜」、「So cute」。
文雪兒今年4月接受好友鍾慧冰節目訪問的時候，透露大女Christy育有一子，細女Jennifer三年抱三，當時鍾慧冰忍不住讚Jennifer好生養，文雪兒亦搞笑回應：「我睇佢個樣，如果我有個仔，一睇呢個女仔，都會話呢個娶得過、好生得。」
