61歲關詠荷激罕孖張家輝同框睇演唱會 前「TVB御用丫鬟」離巢後年薪過百萬

張家輝夫婦與契爺胡楓一起坐，而當年胡楓、關詠荷與夏韶聲曾合作拍TVB處境劇《開心華之里》，當中夏韶聲與關詠荷更飾演兄妹，在劇中有大量對手戲。

關詠荷雖然已年過60歲，惟臉上沒有歲月的痕跡，身材亦沒有走樣，果然保養得宜。

當中前TVB「御用丫鬟」夏竹欣在2007年曾與關詠荷合作處境劇《同事三分親》，她亦有到場睇騷，二人見面即攬攬：「超開心呀～今晚一行廿幾人去睇Danny Summer嘅Last Summer演唱會，咁啱撞到家輝哥同好耐冇見嘅Esther，超開心，即刻攬攬先。」

夏竹欣透露見到關詠荷時，向對方介紹圈外人老公：「Esther第一句就問：你係咪結咗婚呀？我話：係呀，結咗好耐喇，呢個我老公。黎生：Hi！家輝哥即問黎生：佢做我丫環嘅時候你哋結咗未先？真係次次見親佢都畀佢笑死。」

夏竹欣回想起當年與關詠荷合作《同事三分親》的點滴，至今仍難以忘記：「諗返起好多以前日日一齊拍同事三分親拍足364集嘅開心日子，好好玩，好多美好回憶。最開心係我讚佢好靚，佢話你都係啦，直頭係冇變過。嘩！你咁讚我真係好Happy Wor！#祝大家都終身美麗 #同事三分親 #2007 #18年前 #最近有冇人又有睇返重播呢」。

另外，夏竹欣在社交平台亦分享演唱會花絮，片中夏韶聲完騷後返後台見一班到來捧場老友，他見到關詠荷竟問︰「你幾時有細路仔？」

其實張家輝夫婦女兒張童已經19歲，因此關詠荷忍笑答︰「好大喇！」反之張家輝發揮幽默本色︰「就嚟生！」引得全場大笑。夏韶聲即稱︰「好大喇？即係你好耐冇見我呀！」關詠荷︰「係喎，好耐無見！」