41歲文凱玲結婚一個月即宣布陀龍B！巨肚相曝光 預產期7月已開始選購BB用品

現年41歲的文凱玲（Connie）上年中與拍拖五年的IT才俊外籍老公Jason拉埋天窗，當日身形仍fit到爆的Connie今日（24日）卻無預兆極速報喜，宣布陀B近七個月，預產期在今年7月：「最近個肚越嚟越明顯，好多人恭喜我嘅同時亦會問點樣備孕。聽好多人話唔係想有就有，所以籌備婚禮嘅同時亦都開始造人計劃，結果好快就有好消息！屋企人都好開心，阿媽成日都煲湯俾我飲，奶奶準備咗好多BB衫同書。」她也表示自己一直都恨生B，所以都不能算突然：「由細到大都好鍾意BB ，細個仲諗18歲就要生第一個，結果28歲38歲都未有。幾年前訂婚之後就已經開始計劃生BB，但係又諗住想結咗婚先，因為疫情同工作關係一等又再過咗幾年。」

Connie於2010年參選港姐，止步八強，落選後的她曾做回空姐，之後再簽約成為藝人。正式出道後，Connie一直活躍於大銀幕，直至2017年轉拍電視，與佘詩曼、黃浩然等合作劇集《賭城群英會》，這也是Connie首套為無綫拍攝的劇集。

去年底，Connie憑藉在《一舞傾城》的性感演出獲得關注，而後又在今年初播出的《狀王之王》中飾演一身傲骨的青樓女子「三娘」令人氣急升，演技受到觀眾肯定。