37歲高海寧親解上月入院原因 頭部多處有硬塊再次驚現鬼剃頭

現年37歲的高海寧自四月初在社交平台自爆頸部突現硬塊而在網上求救後，上月（19日）又驚現身醫院，一臉倦容躺臥病床抽針，令一眾網民對其身體狀況表示相當擔憂。高Ling去年因《新聞女王》許詩晴一角人氣急升，經常香港、內地兩邊跑，高強度的工作量令其身體接連響起警號，近日她回港接受娛樂新聞台訪問時，便有公開早前入院因由，更自爆再次有鬼剃頭情況。

延伸閱讀： 高海寧突發入院抽針病床相曝光 月初曾因頸部突然有硬塊網上求救 憔悴樣子網民感心疼

延伸閱讀：高海寧頸部突現硬塊網上緊急求醫 大呻工作忙不停攰到隨地瞓著

高Ling指事件發生得好突然，通宵拍完內地真人騷《無限超越班2》後第二日回港，就發現頸部有硬塊及頭皮有兩大硬塊，頭部硬塊還隱隱作痛，令她不甚焦慮，之後高Ling更被媽咪發現到有鬼剃頭，她說：「我之前試過鬼剃頭兩次，我最近又有咁嘅跡象，咁我知道係壓力，所以其實個心……即係我唔係話好徬徨嘅，但係我知道我要抽時間去醫院Check，咁跟住劇組好好啦，叫我去醫院，即係大家都唔想你有事咁樣，所以就放咗我幾日假去醫院，所以我先有時間入院去Check，Check到出嚟Touch wood唔係嚴重嗰邊嘅可能性已經好好多。」

聽從醫生的建議好好在家休養的高Ling日前（1日）也po出近況照，相中身穿白色系休閒服的高Ling抱著貓咪親熱錫錫，不單止有愛貓的陪伴，還有美味的家常飯令高Ling無比幸福，她開心貼文：「好耐無食過住家飯，貓貓都大個咗好多」。