「高海寧」玩網戀借錢？ 受害者被騙周身債仍深信不疑 家人私訊高Ling求助！本尊發聲明

騙徒利用高海寧形象呃錢 受害者深信不疑

高海寧日前（2日）更新IG限時動態，上載了一張對話截圖，原來是有網民向高海寧求助，內容指自己的細佬和一名自稱是高海寧的人展開了網戀，並被說服花費大量金錢購買點數卡，現已孭到周身債：「你好！最近我細佬收到自稱高海寧的WhatsApp，對話中甜言蜜語，誘騙咗佢買好多錢嘅點數卡，佢依家周身債，但佢仍然心（深）信不疑嗰個所謂嘅高海寧就是你，我哋有嘗試打電話去TVB詢問，答案我哋當然知道肯定不會真的是你」。

該網民表示已經為事件報警，但希望高海寧幫忙澄清，讓細佬清醒返：「我哋勸又勸過，鬧又鬧過，沒有辦法下已經去報警了，但警察話只係備案都幫唔到啲乜嘢。佢哋嘅WhatsApp仍然不斷，我細佬仍然心（深）信不疑，沉溺喺呢一段所謂嘅愛情裡面。我只希望你喺呢度幫忙澄清一下，沒有發出此類WhatsApp，我收到你嘅回覆就會轉畀佢知。我真係好希望得到你本人嘅澄清回覆。非常感謝！」。

高海寧發文回應

本人高海寧在此鄭重聲明：

從未通過任何社交平台、通訊工具與他人進行無關閒聊，更不會以任何名義向他人索取金錢或要求轉帳。請公眾提高防範意識，警剔各類冒充詐騙行為，謹慎交友，守護好自身財產安全！