「細細粒」陳嘉佳與岑麗香合照 大晒10年前後做對比

「細細粒」陳嘉佳早前現身好友衛詩雅婚禮，身形瘦削不少，臉尖尖，又搞笑自嘲昔日《老表，你好Hea!》的一角「Vivienne今日嚟食buffet」，令一班網民紛紛留言表示「你真係細粒咗好多」。

日前「細細粒」網晒與好友岑麗香合照，更大晒10年前後的對比，見香香變化不大，依然明艷照人，不過「細細粒」當然就有超大對比，由昔日肥嘟嘟兼面圓圓，變成現在身形弗爆，判若兩人。

其實「細細粒」曾透露因身體百病纏身，決定要減肥，由最高峰286磅減至130磅，腰圍亦由135cm減至85.5cm，認真誇張。