「現代韋小寶」鄧兆尊自爆無性生活 回家見女友喱士色誘轉身即走：我閂門就走喇，撞鬼呀

現年58歲鄧兆尊至今未婚卻豔福不淺，同時與3位太太交往，被網民封為「現代韋小寶」。近日，他上李婉華的影片頻道大談與幾位紅顏知己的無性生活，同時又表示如果妻子有需求，需要入紙申請，影片一出即引發網民熱議。

鄧兆尊日前（25日）又亮相另一個網台節目，與江美儀等人一起搭檔主持，被問及「點解無性生活」，鄧兆尊就改口道：「講啫，你又信，（又話乜儲能量）梗係啦，唔通話畀你聽我日日都有能量？出唔到街㗎喇！」江美儀即追問：「你三個女人梗係有啲嘢嘅！」鄧兆尊再爆金句：「監獄裡嘅人每一日都諗咩呢？諗逃獄呀！點會諗喺監獄有咩食呀？」惹得眾人大笑。

江美儀再問當女伴有需求時會如何表達，鄧兆尊憶述：「無啦啦返屋企，開門，咦？點解着喱士睡衣瞓喺個廳度？我閂門就走喇，撞鬼呀！閂門走。（咁兩一齊攤喺度又點算呢？）唔會嘅分開住嘅，唔好傻喇，梳化得一張，點攤兩個喺度？」

延伸閱讀： 58歲「現代韋小寶」自爆與3位太太性生活 有需要竟然要入紙申請？拒靠補品補身