《愛回家》小花鍾晴生日驚喜連連 狂收花親揭感情狀況：感受到好多好多嘅愛

TVB處境劇《愛.回家之開心速遞》中演青春OL「Cammy」鍾晴，在本月5日生日，向來圈中人緣甚好的她，獲得不少好友為其慶生，更準備了不同的驚喜，令其過得十分開心。

鍾晴接受TVB.COM訪問自爆現時單身，透露今年生日也主要與朋友慶祝，更指他們十分窩心：「佢哋覺得冇男仔送花畀我，所以佢哋每個人都送咗一紮花畀我。今年生日好開心，好多朋友悉心安排好多唔同嘅食飯活動，比咗好多驚喜我，例如有個朋友喺我正日生日嘅時候衝上嚟我屋企；雖然正日生日要開工，但同事又送蛋糕畀我，真係無諗過，佢哋好有心。」

她又指感受到大家對其的愛，令其十分感動：「多謝佢哋令我感受到好多好多嘅愛包圍住自己，令我知道自己值得被愛，佢哋嘅願望就係希望我快啲搵到一個愛我同珍惜我嘅人，好多謝佢哋咁錫我，我都覺得好幸福。」

談到現時感情狀況，鍾晴直言已單身了一段時間，更笑言：「耐到唔記得幾時拍拖，亦都冇追求者。（恨唔恨拍拖？）依家都冇諗呢樣嘢，想專注下自己。」

提到身邊的好姊妹何依婷和陳詩欣等也已結婚生小朋友，問到鍾晴會否感到心急，她說：「見到佢哋結婚生小朋友，我反而唔心急，都享受自己一個人。（佢哋有冇介紹男仔你識？）佢哋都好落力搵吓有啲咩男仔適合我，如果佢哋有男仔介紹，我當然無任歡迎去認識，自己都唔會抗拒，最緊要大家相處溝通到。」

鍾晴於2017年加入TVB即被委派主持兒童節目《Think Big天地》，隨後還有擔任《美女廚房》、《3日2夜》、《安樂蝸》等節目主持。

延伸閱讀：愛回家小花鍾晴網球裝騷絕美肩頸線條 側身展露燦爛笑容勁煞食