《愛回家》學霸小生探大熊貓 與「家人」同遊大晒萌照冧粉絲

何晉樂在處境劇《愛·回家之開心速遞》演「三太」樊奕敏兒子「阿Joe」而成功入屋，日前她相約媽媽樊奕敏與winwin莊思明和阿遠楊明齊齊到主題公園探大熊貓，更在社交平台分享多張玩樂照。

相中見何晉樂看到大熊貓時勁開心，又到了不少打卡位拍照留念，他又狂擺萌爆甫士，簡直冧暈一眾粉絲。

他發文表示：「同媽咪 @amyfan3796 去咗海洋公園面聖🐼第一次見家姐細佬🥹真係好鬼得意呀！啲動作勁蠢😭不過聽媽咪同埋飼養員講早兩個月仲係細隻~而家已經大隻好多，同人互動多咗好多🫣🙈下次再去睇佢唔知又會大隻幾多呢？！~要去睇佢哋快啲去睇啦！」

而且，何晉樂與莊思明更大玩攤位遊戲：「同winwin玩攤位遊戲仲贏咗兩隻豬仔，阿遠今日負責食同埋做保鑣」看來這個親子遊，何晉樂玩得相當開心。

何晉樂現實中是一位高材生，9歲時已隨家人移民英國，於英國名校卡迪夫大學修讀藥劑學碩士課程畢業，大學畢業後，他考獲藥劑師牌，並在英國完成實習後就回流返港，但何晉樂放棄藥劑學的專長，選擇加入金融界。 2020年他參加《聲夢傳奇》入行，終五強止步，惟何晉樂成為歌手後亦有推出過單曲，被讚唱功不俗。

延伸閱讀：何晉樂上戲劇訓練班進修演技 感謝兩位導師 自爆最大得着係呢樣？