「女大魔王」黃博親遇生命中的貴人 感激對方陪伴最孤獨時刻：好多謝佢嘅聲音

「女大魔王」黃博在昨晚（3月9日）在《中年好聲音3》一集獻唱《我的愛》獲得95分好成績，她透露選唱此曲的原因，原來跟十多年前一次歌唱比賽有關：「十幾年前參加過歌唱比賽，準備下round唱呢隻歌，結果就被foul。其實就係想講曾經有好多遺憾，如果你堅定去愛，一定可以搵番返嚟。」其表現獲得評審大讚。

至於昨晚一集更邀請了音樂情人鄭子誠用靚聲帶觀眾進入《中年3》20強競賽，令大家感驚喜，而黃博在社交網分享與鄭子誠合照，感激對方陪伴自己剛到香港最孤獨的時刻，令其對香港的音樂更加著迷，更自言與對方訴說這件事的時候，更忍不住落淚，難怪從相中所見，見黃博眼腫腫。

黃博發文寫道：「呢個禮拜中年好聲音，有 #鄭子誠 先生為我哋做聲音導航。想同大家分享，幾年前，我啱啱來到香港做嘢，自己一個人，每晚收工返到屋企，最鐘意嘅事情就係收聽鄭子誠先生嘅廣播節目《音樂情人》，每晚一個鐘時間，每首歌都精心挑選，係電波中，聽到鄭子誠先生溫情真摯嘅解說，令我有一種同呢個城市連結嘅當下感，亦有細味呢個城市過往、感受到時代留情音樂有愛嘅溫暖感覺，喺呢個節目嘅陪伴下，我渡過咗最孤獨嘅一段時間，都令我對香港嘅音樂更加著迷。所以，當見到鄭子誠先生，同佢講起呢件事，就忍唔住落淚了，好多謝佢嘅聲音同《音樂情人》嘅陪伴。」

鄭子誠亦有回覆：「謝謝黃博」此帖文引起大批網民留言：「博博，由你一決定參加中年好聲音3開始就注定你不會再孤單，除左你嘅sweetheart 老公仔陪伴你之外，仲有我哋一班博博之友嘅支持者啊！」、「博博，你不會再孤獨,香港有很多愛你的支持者,需要你的歌聲陪伴啊！愛你！」相信粉絲的留言亦會成為黃博的「強心針」。

延伸閱讀：中年好聲音3丨黃博95分當MVP撼贏劉洋 陳曉東高度評價：驚喜的存在