龔嘉欣自爆已為「人母」一拖二帶小朋友遊主題樂園！嚇怕網民：以為奉子成婚

34歲的無綫花旦龔嘉欣近年備受力捧，主演的多套劇集頻頻在萬千星輝頒獎典禮上斬獲獎項，本人更曾獲「最佳女配角」及「最受歡迎女角色」的殊榮，去年亦憑藉與張振朗主演靈異題材劇集《靈戲逼人》，飾演九十年代已故的粵劇花旦「雲柳芳」一角入圍「最佳女主角」最後五強，可謂升做視后指日可待。事業蒸蒸日上之外，感情方面嘉欣同樣有著落，事關其與日籍甜品大師兼生意合夥人松岡哲也有傳正打得火熱，有指兩人拍拖三年，仲已進入同居階段。

5日，嘉欣在社交平台發文：「其實我都係人哋阿媽嚟㗎」，並配圖與兩個小朋友遊玩主題樂園的相片，瞬間引爆評論區，不過睇真啲，後面嘉欣還有解畫，原來這對可愛的小朋友是她的契仔契女，大家不要誤會呀！見嘉欣笑到見牙不見眼，就知她與契仔契女相處得多開心啦，不過就如評論區的網友所喊話的一樣：嘉欣呀，幾時輪到你生返件喎！