黃翠如生日晒母子合照溫馨滿瀉 幸福宣言：我已經擁有全世界 惹蕭正楠醋爆6字留言

黃翠如晒出一張和囝囝的親密合照，並發表幸福宣言：「回看，原來已經擁有了全世界🌈生日，快樂，我，蕭媽媽！」依相可見，眼仔睩睩望向鏡頭的蕭哈哈，小手輕撫媽媽臉旁，乖巧得意樣瞬間融化大批網民，紛紛為翠如送上祝福：「靚靚媽咪和可愛仔仔😍生日快樂」、「哈哈勁得意」。

老公蕭正楠就呷醋問道：「咦？無圖2嘅？errr ? 我呢？」網民笑爆回覆指：「你已經俾仔仔取代了」，非常搞笑！隨即正楠亦晒出一家三口合照祝太太生日快樂：「終於搵到一張有我嘅相，呢個嬲，嬲得好快樂，嬲得好幸福，祝我的天下無雙，生日快樂，愛我要和哈哈一樣多！」