黃博親揭演唱林子祥這首歌原因 奪99分演出片再登YouTube熱門首位 兩日超過50萬觀看次數

黃博在《中年好聲音3》最新一集播出的「林子祥金曲之夜」，演繹《這一個夜》贏盡好評，奪得99分佳績，難怪被網民封為頂頭大熱。

日前她在網上發長文分享獻唱這首歌的感受，更親揭揀選這首歌有原因：「呢幾日，一直努力搵自己2013年年尾喺澳門「絕對熹祥-A Mix ＆ Match Concert with 林子祥＆趙增熹」海報前嘅留影，可惜未搵得返，記得當時係聖誕節假期前嘅禮拜六，嗰一日唔駛返工，決定這一個夜、我一個人，去享受一場音樂嘅盛宴。」

她自言看畢演出後深深震撼、久久難忘：「感嘆Lam哥嘅音樂如此多元，中西兼具，不同組別嘅歌曲有不同嘅情緒、張力、情感表達，既有豐富紮實嘅音樂編排、又有精心設計嘅舞台呈現，令一場concert展現出無可比擬嘅感染力，至今難忘。而這一個夜呢首歌，記得好似係最後Encore中嘅一首，呢首歌完全將現場點燃，令坐喺山頂嘅我都被Rock到忍唔住企起身跟唱。」

黃博又指得知今次要在林子祥面前演唱時，有一種時空美妙安排的交錯感，「對這一個夜，我比較粗淺嘅理解係：孤單、是一個人的狂歡，既然潦潦倒倒、破舊不堪、滿身疲倦，不如就破罐破摔，奔著向前。」

她亦十分感動一直支持其的朋友，「好多謝一路以來支持、鼓勵我嘅朋友，係你們嘅力量，令我在心中找到支點，我會繼續加油唱好每一首歌，感謝你哋！」

最後黃博更逐一感謝樂手老師，因有他們的幫助鼓勵和支持，才令其得到好成績。

另外，黃博的演出片段再登YouTube熱門首位，短短兩日已經超過50萬觀看次數，認真厲害。

延伸閱讀：羅啟豪夥黃博直播爆備戰過程 親揭被讚神級和音背後有故事