黃博新歌巡禮冧唱《花說》 「高成彬」劉倬昕參演MV 親解歌詞以花喻人生

值得一提的是，今次新歌的MV特別邀請到憑劇集《正義女神》飾演少年犯「高成彬」一角而人氣急升的劉倬昕演出，這亦是對方入行以來的首個MV，對於Sam的力撐，黃博表示十分感謝：「非常榮幸，呢個係佢嘅第一個MV，Sam喺入面嘅表演真係非常精彩。」

談及新歌的歌詞，黃博在接受TVB娛樂新聞台訪問時，透露歌曲以花朵為主題，寄意人生不同的階段與經歷：「特登喺歌詞入面加入咗好多種唔同嘅花，其實係想講每一個人嘅唔同嘅經歷，從一開始天不怕地不怕，到有啲挫折，慢慢搵返自己，慢慢等待花開，再到新嘅春天，新嘅開始咁樣」。