麥詩晴榮升做新東張女神 親爆最難忘同呢個人做訪問 ：無論演技人品都係一個好好嘅前輩

麥詩晴接受tvb.com訪問被問到為何突然加入了《東張西望》，她說：「其實早一兩年我已經自薦， 但嗰時暫時未有位，之後知道《東張》唔夠人，佢哋問我仲有冇興趣， 我覺得有機會就要好好把握，所以就加入咗。」

談到剛成為主持定必遇到不少挑戰，她說：「最大挑戰係每次訪問時都要克制自己興奮開心嘅感覺， 因為訪問當中有好多嘅藝人都係我偶像，所以好多時候第一次都會表現冷靜少少，擔心唔小心暴露咗自己真實情緒，嚇親大家。」又指這份工作令其學習到很多技巧，對幕前也有幫助。

她自爆最難忘與林保怡做訪問，大讚對方為人友善：「無論電影定電視劇，保怡哥都有好好嘅成績 ，而且真係冇諗過會有機會咁近距離可以同佢傾偈，真係好開心， 無論演技定人品佢都係一個好好嘅前輩，係我哋學習對象。」

2020年參選港姐入行的麥詩晴，與郭柏妍是同屆港姐，2021年加入《愛‧回家之開心速遞》飾演「慌張西望」主持程絲展開拍劇生涯，並先後演出了《欺詐劇團》、《青春不要臉》、《美麗戰場》、《隱形戰隊》、《新聞女王》、《富貴千團》等。

早前在《奪命提示》演蔣庭嘉一角而令人印象深刻，私下的麥詩晴亦是運動健將，籃球、排球、田徑、跳高無一難倒她，更曾獲學界跳高季軍。