/public/tvbcom/article/images/202504/81ce0c74-61ab-466b-a4ea-92a49c6c9cf5.jpg)
陳煒（煒哥）近日與曹永廉、游嘉欣和鍾凱瑩到貴州拍攝《養生之旅》，當中他們遊覽了貴州不同地方景點，體驗當地的文化。
原來今次是陳煒首次遊貴州，此行更令其對這個地方有新體會，她接受TVB.COM訪問說：「以前我對貴州嘅印象都係酒同茶，今次我哋去咗貴州唔同嘅地方景點，亦睇到唔同少數民族嘅特色。而且，依家去貴州好方便，坐高鐵就去到，成程都好舒服。」
延伸閱讀：養生之旅｜陳煒游嘉欣鍾凱瑩穿上華麗的古代漢服 瞬間古裝腔上身
陳煒直言當地有很多大自然美景，令其大開眼界，當中有3個景點特別喜歡：「除咗黃果樹瀑布好值得睇，我亦都幾鍾意萬峰林，佢係一個連綿不斷嘅山脈，你見到一個山脈連住另一個山脈，每座山都差唔多高，同埋綠油油一片 ，我覺得好似唔同嘅少數民族手牽手圍埋一齊嘅感覺。」
:line(1):quality(80)/public/tvbcom/article/images/202504/1d55c407-b121-4546-b73c-7e4c104ef62a.png)
她續指烏江寨也是令其有驚喜的地方：「佢係一個旅遊景區，比我想像中大，同埋日頭同晚上睇嘅感覺都好唔同，晚上又有好多表演，所有人可以一齊參與，真係好啱一家大細去旅行嘅地方。」
而且，陳煒自言此行出發前需要學習太極，亦發現練習過後身體有所轉變，「今次去咗梵淨山 ，雖然我冇登去山頂，就番阿廉個Level陪佢，畀兩個後生游嘉欣同鍾凱瑩上去山頂。不過我哋行到山腰，都行咗兩千幾級嘅樓梯，我諗住第二日隻腳會好酸軟同痛幾日，但完住冇事，我覺得同練咗太極有關，因為成日都要紮馬耍拳，所以的確對身體幾好，我會繼續保持練習。」
+5
