/public/tvbcom/article/images/202512/0a7bb32b-d6dd-443f-84f8-7381dc03f2d9.jpg)
陳豪近日為好友鍾嘉欣的廣州演唱會做嘉賓，勾起粉絲集體回憶。當他出場時尖叫聲不絕，掀起全場高潮，大家對其任嘉賓也十分驚喜。
延伸閱讀：陳豪被指撞樣《優獸大都會2》馬市長 本尊大方17字回應：哈哈哈....少少似啦
/public/tvbcom/article/images/202512/28d1b7f5-be22-46a4-89a5-53314651aa73.png)
從網民分享的片段中，陳豪與鍾嘉欣合唱《漣漪》，更獨唱《愛我別走》，見他唱到七情上面，聲線平穩有磁性，唱得不俗，而獨唱《愛我別走》時更指向台下太太陳茵媺，令對方冧爆。
鍾嘉欣在台上表現激動，感謝陳豪除擔任嘉賓外，還與太太及家人一同來捧場，陳豪則說：「講真㗎，Linda妳Anytime搵我，我一定過嚟幫你。」
難怪鍾嘉欣大爆陳豪相當有義氣，「我一叫佢就即刻嚟，真係好似得得地咁，我依家真係啞咗，我平時喺台上喺好多嘢講，但我見到你，所有畫面都浮現出嚟，你係一個另類嘅人，係好到嚇死人。同埋你真係好俾面，我知道你唔唱歌，台慶都無唱，但走嚟唱我呢個，好多謝你咁俾面。」陳豪也自嘲：「妳都知請咗個唔唱歌嘅做嘉賓，妳好嘢！」
+3
陳豪更指除了太太之外，其三位仔女也有到場，這也是三個仔女人生第一次看演唱會，就是看鍾嘉欣的個唱兼聽爸爸唱歌，非常有意義。不少網民指見到「得得地」和「常在心」合體，回憶滿滿，又讚陳豪唱功不俗，更留言「難得請到阿Mo開金口，佢同嘉欣好老友」、「阿Mo一出場真係呆咗」。
