31歲「索爆人妻」陳詩欣（Eunice）2017年由模特兒界轉戰TVB，曾主持《姊妹淘》及《流行都市》等綜藝節目，亦參演過《愛回家之開心速遞》、《痞子殿下》及《美麗戰場》等劇集，直到2021年嫁有米老公陳爾正（Joshua），享受闊太生活，她也經常在社交平台po出性感靚相益粉絲。
早前（2月），陳詩欣曾在限時動態貼出生暗瘡的照片，右臉頰的暗瘡又紅又腫，非常明顯，當時陳詩欣透露：「有一種毁容叫生暗瘡。當你好似我咁你就會明我真係冇誇張！換咗無數種護膚品試咗勁多醫美仲打埋荷爾蒙針，都仲係繼續瘋狂生瘡，啲暗瘡印仲要又紅又黑，果（嗰）陣喊都喊咗好多次。」陳詩欣直言深感自卑及焦慮。雖然陳詩欣當時表示已經好得差不多，但前日（25日），她又在社交網的限時動態出po，晒出爛面照，自揭做美容療程出事。
見到她分享多張臉頰上出現結焦及脫皮情況，陳詩欣透露前陣子做美容療程的中伏經過：「話說之前盲去咗一間網上推介美容院做針清，個個都大讚咁我咪試下。咁本身諗住清吓啲黑頭粉刺（大家都知道我之前面頰位好多暗瘡）即使而家好返，色素都未完全康復！咁治療師見到我仲有少少暗瘡印，佢就問靚女試唔試做海藻矽針啊？結果根本就係兩回事！」陳詩欣指治療師在其臉頰不停按摩，要求停止時已經太遲，對方還表示有少少紅、少少脫皮都是正常，大約三日便會沒事，結果多日後臉上狀況仍然嚴重，再去詢問時，卻只收到對方一句：「做傷了」就再無下文，而自己也花了一個月時間才痊癒。陳詩欣也以此長文寄語愛美之人：「facial真係唔可以亂咁做！」
