/public/tvbcom/article/images/202602/4f783def-ee49-444d-a03b-3e7274b40701.jpg)
陳瀅和蔡潔將於4月在澳門開騷，日前二人現身影樓拍攝宣傳相，兩位女神在鏡頭前不論大擺甫士還是嬉戲互打的玩樂感覺，同樣默契十足。
陳瀅和蔡潔接受《娛樂新聞台》表示很期待今次在舞台上的合作，蔡潔說：「我同陳瀅同公司咁耐，亦都試過同劇好多次，但我哋嘅對手戲次次都好少，之前一直都好期待喺戲劇上可以合作多啲，但冇諗過我哋第一次嘅深度合作係喺一個Show上面。」
延伸閱讀：臥底嬌娃｜陳瀅自爆最性感一幕！「黃金32C」弗爆身材引熱討 親爆鏡頭背後咁拍
/public/tvbcom/article/images/202602/37efb0ec-4617-4126-b0a7-95ad36a7d91e.png)
陳瀅補充道：「我覺得成個Concept對我哋嚟講係好新穎，所以我都幾Excited，而且今次好開心同蔡潔一齊，因為我同佢喺舞台上都冇乜經驗。」蔡潔笑說：「陳瀅妳可以自信啲，唔係冇乜，係冇經驗，我就做過一次演唱會嘉賓。」
陳瀅和蔡潔收到今次開騷邀請後，已經和製作團隊構思了很多不同環節，有表演，有互動遊戲，包羅萬有，也希望能有嘉賓，可以帶給現場觀眾更多驚喜。
蔡潔續說：「我嘅歌單已經諗咗好耐，希望可以透過歌曲講多啲故事畀大家聽，不過跳舞一定唔會係我負責。」陳瀅則說：「幸好近期播緊嘅《臥底嬌娃》有少少打底，跳舞應該可以處理到。」
