新晉知性小花慈善騷晒琴技 音樂碩士出身 曾任鋼琴老師

陳曉彤晒出與黃洛妍及謝淑怡的合照，發長文指相當感恩是次機會：「多謝公司同仁愛堂比呢個舞台我表演鋼琴，真係發夢都估唔到我可以喺咁大舞台上同兩位大師合奏！多謝監製同導演，可以彈classical表演同做善事，我真係好開心。多謝Janees你一路鼓勵我，support我，有實力都不特止，仲永遠都咁Nice，令到我可以好放鬆好安心咁樣係（喺）舞台上發揮。感恩我同Zoie真係有好心嘅緣份！由細識到大，跟同一個鋼琴老師，今次終於可以同師妹一齊表演雙鋼琴！之後我哋仲要一齊去聽concert睇你表演。仲有多謝台前幕後辛苦咗咁多日，不停為節目綵排同準備，先可以令到呢個節目咁成功，籌到咁多善款。最後最後，要多謝我嘅團隊，令到我可以安心靚靚咁樣上堂表演。差啲唔記得咗我親愛嘅屋企人同朋友，你哋係我最大嘅後盾，愛你們。好耐冇試過淨係夾一次就上台表演，成件事好熱血，希望你哋琴日enjoy我哋個Performance啦。」