/public/tvbcom/article/images/202504/3c3fbe6d-c089-4b3d-b7af-52c3cebf8c58.jpeg)
陳山聰入行至今31年，95年加入TVB拍攝過的經典劇集無數，一路默默耕耘的他在2022年憑《金宵大廈2》中一人分飾多角的精彩演繹首封視帝！家庭方面，陳山聰與拍拖5年的圈外女友何麗萍於2019拉埋天窗，翌年誕下囝囝陳霆軒（Jaco）組成幸福三口之家，如今快將5歲的Jaco憑精靈得意樣成功俘虜大批網民。
當年以歌手身分出道的山聰「回歸初心」，繼去年底在廣州舉行入行三十周年首個個人音樂會叫好叫座之後，日前（26日）更添食到佛山順德站開騷。當晚氣氛熱烈，除了邀請「最佳拍檔」姚子羚助陣任音樂會嘉賓，更與囝囝Jaco父子檔合唱，將現場氣氛推至另一高峰！
陳山聰昨日（28日）亦在IG分享：「初心音樂會第二站！又完成咗我一個夢想，就係可以同我大佬同台唱歌仔，絕對值得紀念的一晚！當然仲要感謝我好姊妹好拍擋做我表演嘉賓，將氣氛推到去最高！感謝入場嘅每一位觀眾，感謝我嘅家人同埋朋友遠道而來，感謝我嘅音樂團隊，感謝我嘅DLCF幕後團隊下一站見。#陳山聰初心巡回音樂會順德站 #大佬係勁嘅 #享受當下 #享受舞台上嘅一刻 #感恩。」
依相可見，Jaco細細年紀就已展現超強演藝天份，在舞台上毫不怯場之餘，還台型十足，和爸爸合唱《心淡》時，就算不明白歌詞，依然唱得好投入。網民看完都紛紛被震驚，大讚Jaco好叻：「Jaco首心淡太surprised，建議做你的常駐嘉賓」、「咁細個就唱心淡仲要記得晒啲歌詞真係佩服佩服」、「Jaco 好 cute 」等。
